حكاية ثورة : النهضة موش برك ضد بورقيبة ، بل ضد حتى الشويّة خشم إلى علّمها بورقيبة للتوانسة

  • جماعة النهضة الخوانجية و زميمهم راشد الغنوشي الخريجي ، منذ حررتهم ثورة شعب تونس و رجعوا للبلاد، و هوما يسبوا
  •  في بورقيبة – يسبوا فيه أكثر من بن علي – على خاطرو حسب قولهم كان «عدو» الدين الإسلامي، إلى هوما نصبوا رواحهم أوصياء عليه … هذاكا علاش يلزمهم يكسروا أي حاجة بناها بورقيبة، و من جملة الحاجات إلي بناها الزعيم بورقيبة و إلي هوما بداو يكسروا فيها بكل إجتهاد ، هي العزة و النيف إلي علمهم بورقيبة للتوانسة والمكانة و القدر العالي إلي عملهم لتونس بين البلدان… في هذا الإطار، أي تطييح قدر تونس و التوانسة و تشليكهم ، يلزمنا ما ننساوش، كيفاش واحد من بعثة حكومة الجبالي للسعودية كبّ على أمير سعودي وباسلو يدّو
  •  http://www.echsar.com/article-5146084-أحد-المشاركين-في-بعثة-الجباليللسعودية.html
  • و في نفس ها البوتقة، حكومة النهضة تعلن عن فتح الحدود التونسية لإخواننا مواطني بلدان المغرب العربي و إعطائهم الحق في العمل و التملّك و الإستثمار و الإنتخاب، في خطوة أحادية و بدون أدنى تنسيق مع حكومات هذه البلدان و بدون ضمان نفس هذه الحقوق للتوانسة، في خطوة لا يمكن إلا أن ترخّص و تحقّر من شأن تونس ومواطنيها. هذا بدون أن ننسى السماح للخليجيين الدخول لتونس بدون فيزا ، و الله أعلم آشنوة محضرين باش يحتفيوا بيهم ، بما أنهم من أدعياء زواج المسيار و المسفار و المقراض و غيرهم… في نفس الوقت إلي يتناسوا المطالبة ببن علي و مرتو الحجامة و نسيبو السارق صخر الماطري من عند سيادهم أعراب البترودولار في السعودية و قطر.
  •  و في موضع آخر حكومة الجبالي تتخلى على مبادئ حقوق الإنسان وأخلاق الإجارة و الرجولية و تسلم لاجئ سياسي، البغدادي المحمودي، معرضة حياته للخطر، لبلد لا أمن فيه و لا قضاء، تُحرق فيه قنصليات تونس وعلمها بدون حسيبٍ و لا رقيب  و لا حتى أدنى تنديد، كل ذلك في صفقة مشبوهة مع خوانجية ليبيا
  • ،النهضة باش تحكم، مستعدة لجرّنا لدفع أي ثمن، المهم حصولها على التأييد في الخارج إلي عندها فيه ريزوات متنوعة…
  •  فمرّة يتمسحون على أعتاب الأمريكان و الصهاينة – البعثة الحزبية ب ٤١ عضو نهضاوي إلي زارت الكنغرس و تطمينات الغنوشي للمنظمات الصهونية بعدم تضمن الدستور الجديد ما يعادي إسرائيل
  • http://www.sahafeh.com/?p=30908
  •  و مرّة أخرى يتوسلون للأحزاب اليمينية الدينية في أوروبا، http://www.lettera43.it/politica/29940/ennahda-la-sponda-italiana.htm
  •  في نفس الخضم هاذايا، ما يلزمناش ننساو كيفاش الجبالي يحضن و يبوس في الصهيوني ماكين خلافا لكل عرف دبلوماسي
  • http://www.mag14.com/national/40-politique/360-jebali-mc-cain-lembrassade-controversee.html
  • كيما ما يلزمناش ننساو إلي وزير الخارجية بوشلاكة هو موظف عند قناة الجزيرة إحدى أذرع السيا و الموساد ، http://studies.aljazeera.net/centernews/2012112104914867164.htm
  • و ما يلزمناش زادا ننساو كيفاش النهضة تتقرب من الناتو بمعاداتها للنظام السوري حسب أجندا صهونية إسرائيلية و في إتساق مع موقف سيدهم في  » الباب العالي الجديد »، رئيس وزراء تركيا الأطلسية…ولمزيد التقرب من أسيادهم الأتراك ، هاهم قرروا باش ينشروا اللغة التركية في المدارس التونسية
  • http://www.assabeel.net/رواق/92963-إدراج-اللغة-التركية-في-المناهج-التونسية.html
  •  غبي من لم يفهم بعد أن جماعة النهضة قاعدين يرضّيوا في الناس الكل و ينبطحوا للناس الكل، حتى يتمكنوا من السيطرة على البلاد، ومن ثمة إستعباد العباد بإسم الدين، والأجدر بيهم كان إرضاء الشعب التونسي العظيم إلي حررهم و وصلهم لسدة الحكم و لو مرحليا، و المحافظة على إنجازاته التي تحققت في دولة الإستقلال و المحافظة خاصة على عزته و نيفو، وهو الشعب الذي ثار من أجل الكرامة.
  • نرجعو لبورقيبة إلي يسبوا فيه جماعة النهضة الخوانجية ، و ما نجمو كان نستنتجو إلي رغم أخطائه فيما يخص الديمقراطية، فإن بورقيبة كان أرجل و أشجع و أضخم منهم، و بخشمو عليهم وزيد أكثر ذكاءا و وطنية و غيرة على تونس منهم، كان رحمه الله يتعامل بذكاء و الند للند مع جميع البلدان، حتى العضمى منها، فقط من أجل مصالح التوانسة و تونس، فمن أجل مصلحة من يعمل سبّابه راشد الغنوشي و حزبه حزب النهيضة؟
  • ن. مسعود
Advertisements
Cet article a été publié dans Uncategorized. Ajoutez ce permalien à vos favoris.

Un commentaire pour حكاية ثورة : النهضة موش برك ضد بورقيبة ، بل ضد حتى الشويّة خشم إلى علّمها بورقيبة للتوانسة

  1. Tounsi dit :

    أنا مانيش نهضاوي بل و نكره النهضة و خاصّة هذا المسمّى راشد الغنوشي.
    لكن مع ذلك أقول أنّه مقال تافه و أغلبه تحامل و كذب و تزوير. فطيف يا صاحب المقال تدافع عن البغدادي المحمودي الذي أمر باغتصاب أخواتنا الليبيات و التسجيل الصوتي موجود على اليوتوب. و ما دخل المجزرة التي يقوم بها بشار في سوريا و دعواك أنّ طرد السفير السوري هو تقرّب للناتو بينما هذا أضعف ما يجب فعله أمام نضام السفاح بشار. و عندك مشكلة مع دخول الخليجيين الذي يمكن أن يكونوا مصدر عملة صعبة و أن يأتي منهم من يستثمر في مشاريع تحدّ من البطالة أم أنّ الفيزا لا تلغى إلاّ لبلدان الإتّحاد الأروبي الذين يتبجحون بـ 200 أورو يعديو بيهم جمعة في أوتيل 4 نجوم و الفقر ماكلهم حتى الماء يشريوه من المغازة العامّة…
    بصراحة يا كاتب المقال لك الحق في بعض ما قلته مثل عناق الشيطان ماكين و حكاية اللغة التركية و لكن تعلّم الحياد و عدم الكذب و التزوير يا هذا.
    و أخيرا أذكّرك أن كلمة « خوانجي » هي من الموروث ااكلب الهارب بن علي، فكأنّك تحنّ إليه أو لعلّك من أزلامه الذين أصبحوا الآن يتكلمون باسم الثورة التونسية.
    و السلام على من اتبع الهدى

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s